富園冰室

营业中

休息中

Wego Mall受地理位置影响，所以成个商场都冷冷清清，唯独商场入面嘅富园冰室长期多人，午饭时间仲要排队，原因都系呢到嘢食几有水准，而且门外有位停车，望实就唔惊抄牌啦。今日嚟到已经2点几，有下午茶，叫咗泰式金边粉$40加冻柠茶（$3）。虽然系下午茶但份量都唔少，男士都够食。金边粉配上豆干、韮菜、芽菜、蛋丝、虾仁做配料，都几有诚意唔会太单调。味道酸酸甜甜跟足泰式风味，又有少少鱼露香味。可惜无泰式辣椒粉去配，唔系就真系perfect！柠檬茶有水准，够茶味柠檬亦新鲜。我叫少甜有做到，我俾85分！