大餃子 (已結業)

喺铜锣湾做完嘢，下午茶时间有少少饿，决定去食街渣甸街揾食。见到开咗间叫大饺子既餐厅，价钱大众化，环境企理，决定入去帮衬。除咗饺子，仲有粥食，食番碗新鲜鲩鱼腩 粥暖胃，热辣辣嘅靓粥粥底绵滑，鱼腩新鲜肥美，粥底吸收晒鱼嘅鲜味，又浓又香，又大碗，$40超抵食。酸辣汤亦都系招牌，38蚊劲大碗，材料好多，非常足料，有木耳丝，红萝卜丝，笋丝 ，蛋花，豆腐，猪红等。白菜猪肉饺大大只，新鲜爽脆，猪肉鲜甜。豆浆系即磨，豆味浓郁，健康。