越南越順餐廳

营业中

休息中

今次同屋企人因为有啲事要做 所以提早去左鲗鱼涌食野 我地简左呢间屋邨入面嘅越南餐厅因为屋企人最钟意食捞檬 所以叫左碗香茅猪扒捞檬 当碗捞檬一上枱 我地发现佢唔系正常下午茶Size 反而系比正餐仲要大碗 食开捞檬都知佢会有专属既醋 而呢间餐厅既醋食落唔会过酸 对我地黎讲岩岩好 唔会食到拿喉 捞檬上面既萝卜丝好薄 好好味 猪扒就相对正常 无话好特别另外我仲叫左碗香茅鸡翼汤檬 我跟餐就简左椰汁紫米露 呢碗汤檬既鸡翼系另上既 咁样可以保持汤底无咁油 鸡翼又唔会浸汤而淋哂 我觉得呢样野几细心 而且佢仲额外提供左辣椒同青柠 俾你自由选择落唔落 而我就另外加左鱼露去配鸡翼 佢地既鸡翼唔系鸡中翼 系连埋鸡翼尖 岩哂一啲钟意Lun骨既朋友 最后椰汁紫米露椰汁味好重 紫米唔会太硬 不过不失 但因为系跟餐既 所以可以简返饮品都得