潮館 (元朗廣場)

营业中

休息中

元朗广场嘅一间新式酒楼，装修得好新潮，座位较为阔落，每张台旁边仲有一个自动嘅煲水机，确保食客随时随地都有热水冲茶饮，个设计真系好有心思。而且就系用手机自助落单，真系几科技化。食物质素都唔错，肠粉、虾饺、粉果类嘅精点都系皮薄馅靓，虾饺馅大大粒，用料十足。炸物类就即叫即炸，上到咗热腾腾而且好脆，虽然感觉上有油腻咗啲，但系都可以接受。佢有一个比较得意嘅冬菇包，成个外型真系好似冬菇咁，馅料系素冬菇馅，菇味香浓咸咸地，食落都唔错。价钱方面都唔贵，各类优惠加埋，每碟饰物大概$20至$25左右，不过茶位就$12一位，略为高，应该系佢部智能热水机既关系。