茶東西

营业中

休息中

朋友一直推介呢间茶餐厅，今日终于去食到！餐厅名字几特别叫茶东西，店舖环境光猛，尚算干净！下午茶有多款选择，唔想食太多嘅话可以叫三文治或者多士等轻食，今日我哋比较肚饿，所以叫咗两碟意粉🤪🤪🍝卡邦尼意粉要煮得好食嘅卡邦尼唔容易，而去得茶餐厅食卡邦尼意粉，一般都唔会预太大期望😅但呢间嘅卡邦尼意粉确实有惊喜！卡邦尼汁浓郁，够杰身，包住每一条意粉，好正！虽然用上了烟肉片，但煎得颇为香口，而且意粉硬度适中，性价比高！🍝拿破仑鸡肉意粉前排因一套日剧而大热的拿破仑鸡肉意粉！大大碟好抵食！拿破仑汁算正常发挥，鸡肉煮得啱啱好，唔会过熟，好味道! 😌😌😌而且有三色椒和芦笋作配料，有益健康！