初遇

营业中

休息中

昨日接完囡囡放学去食tea，佢好钟意饮珍珠奶茶🧋，所以拣咗「初遇」。点咗「慢烤鸡腿蛋吐司」比自己，再点咗「盐酥鸡卤肉饭配紫菜贡丸汤及台湾香肠」比囡囡。「慢烤鸡腿蛋吐司」卖相好吸引。包皮焗过，外脆有软，内里夹住嘅鸡扒几厚身，而且煎得几惹味，仲有半熟嘅煎蛋，包皮吸咗蛋黄，一咬落去，有几个层次，真系几好味！「盐酥鸡卤肉饭配紫菜贡丸汤及台湾香肠」好抵食，$48有紫菜汤、大大碗卤肉饭、盐酥鸡，仲有台湾香肠，份量似午餐多啲。盐酥鸡炸得几干身，内脆外软，而且无油腻感，洒咗少少准盐，好味！台湾肠甜甜地，个皮几脆，带少许烧烤香味，仲附有蒜片伴吃，好味！