御名軒

营业中

休息中

我好钟意食中餐，尤其系去街坊嘅酒楼，贪佢哋食物好味又唔会太贵，今晚有一个饭局，原本谂极都谂唔到去边度食，横掂今晚要返中环训，为咗方便搭车决定就系天后开餐，谂返起上次嚟过呢度食龙虾伊面，所以就胆粗粗提议朋友仔嚟呢度食，一出地铁站就到劲方便所以佢哋都唔反对。叫咗两个冷盘前菜，五香牛展片同埋海蜇拼熏蹄，平时好恨食呢啲但系妈妈唔俾叫，今日同朋友食饭就可以叫自己钟意食嘅嘢，五香牛展片个酱汁味道带甜，够冰冻，肉质好林，好开胃！估唔到佢细细碟但系有好多片，好耐都冇食熏蹄，猪皮同jelly𠮶部份够爽口，唔会肥淋淋，佢连肉个部分都做到冰冻爽口，加埋醋汁食劲正！天时暑热最好就系食冬瓜盅，冬瓜汤够清甜，冬瓜肉够嫩唔会起喳，有好多配料喺里面，有新鲜带子肉，虾瘦肉冬菇草菇莲子蟹柳，你唔好睇佢个冬瓜盅细细个，唔知点解北极都有，我哋每个人起码饮咗三四个碗，仲剩返好多冬瓜肉！另外好开心食咗赛螃蟹，佢同其他酒楼做法有啲唔一样，佢落咗好多料入去同个蛋白一齐炒，边有人好似佢哋咁夸张落咁多只虾，炒得好滑，唔会油淋淋，仲有几大旧西兰花，其实我食完个赛螃蟹已经饱左！佢个吊烧鸡都好好食，皮脆肉嫩，最钟意佢只鸡唔肥，食落果皮脆落落！