好燒式串燒專門店 (大南街)

营业中

休息中

經過太子見到呢間串燒店好多款式，除了串燒還有意粉，格價幾扺食～好彩比較早，晏少少就full，最好book定枱。最後叫了一枱都係野⋯😋😋😋🐦低溫去骨燒乳鴿皮脆肉嫩，去左骨食落啖啖肉，好爽皮🦪煙肉燒蠔、什菌燒蠔、白汁芝士燒蠔蠔身飽滿，燒得剛好；煙肉咸香、什菌鮮味、白汁芝士香濃🫓鹽燒鮑魚新鮮大隻，味道鮮甜，伴有獨有自家蕃薯蓉和沙律菜，非常清新🫓蒜蓉燒扇貝、蒜蓉燒蟶子見時令海鮮，就試下，都係大大隻，肉厚多汁，蒜香味絕不蓋過海鮮之鮮味👍🏽🍍🫛菠蘿、翠玉瓜、四季豆、串燒豆腐蔬菜類也非常新鮮多汁，四季豆惹味；燒菠蘿酸酸甜甜，好開胃；翠玉瓜厚切，好食；豆腐燒得外脆內軟，沾上辣汁，另一種享受。🍆蒜蓉燒茄子原條開邊燒，舖滿了蒜蓉醬，茄子肉又腍又索味，非常惹味🐡燒日本雞泡魚乾魚乾燒完後入面還保持到水份，質地易咬，佐酒一流🐔雞中翼（2隻）、雞肉腸（2條）燒雞翼自細中意食，燒得皮脆肉嫩；雞肉腸用蜜糖來燒，好有BBQ風味🧄原個蒜頭見幾得意叫返一個，每粒燒得軟軟，用筷子撩出嚟就咁食已好香，更可為塗上食物上增添蒜香味🍫🍌 朱古力香蕉作甜品，整條香蕉開邊燒，上面有Oreo碎、朱古力醬及彩針，色彩繽紛，味道好夾。