影片
更多
2008-08-01
31 浏览
话时话师傅喺呢区企左咁耐, 都从来未黎过呢间食店, 撞啱前晚好鬼死夜都未食晚饭, 但系呢区好多食店都收晒工, 去到食店门口觉得好似几抵食咁, 就入去试一试啦!入到去水静河非, 如果唔系咁夜, 师傅真系以为系黑店; 一坐底二话不说即刻柯打左个铁板餐, 要左黑椒鸡扒跟饭, 有餐汤同餐饮; 餐汤写住系罗宋汤, 而餐饮就拣左冻柠檬茶!等左一阵餐汤先到, 一望之下发一现唔系罗宋汤, 而系节瓜煲猪骨汤, 无啦啦由西变中, 仲要冇单声, 有点过份; 但当师傅望下个钟就觉得情有可原, 皆因大钟接近十二点喇, 冇都好正常啦! 中汤都唔错, 味道唔浓唔觉有味精, 加上汤料几足, 系淡口少少, 师傅怀疑沟左少少水呀; 饮晒个汤, 铁板黑椒鸡扒登场, 先讲下卖相, 真系唔错几吸引呀, 再望下个饭, 原来系炒饭呀, 师傅起初仲以为系白饭呀, 好正咁㖞!铁板黑椒鸡扒热辣辣, 鸡扒够松够滑, 皮脆肉香, 加埋黑椒汁又辣又香, 好正; 而炒饭亦炒得好干身, 有好爽口嘅感觉, 正呀; 反而冻柠茶就冇咩特别, 普普通通啦; 不过值得一提系柠檬好似唔多干净咁, 皆因柠檬面上嘅贴纸冇清除, 好似冇洗过咁, 亦令师傅忽然想起师
入到去水静河非, 如果唔系咁夜, 师傅真系以为系黑店; 一坐底二话不说即刻柯打左个铁板餐, 要左黑椒鸡扒跟饭, 有餐汤同餐饮; 餐汤写住系罗宋汤, 而餐饮就拣左冻柠檬茶!
等左一阵餐汤先到, 一望之下发一现唔系罗宋汤, 而系节瓜煲猪骨汤, 无啦啦由西变中, 仲要冇单声, 有点过份; 但当师傅望下个钟就觉得情有可原, 皆因大钟接近十二点喇, 冇都好正常啦! 中汤都唔错, 味道唔浓唔觉有味精, 加上汤料几足, 系淡口少少, 师傅怀疑沟左少少水呀; 饮晒个汤, 铁板黑椒鸡扒登场, 先讲下卖相, 真系唔错几吸引呀, 再望下个饭, 原来系炒饭呀, 师傅起初仲以为系白饭呀, 好正咁㖞!
铁板黑椒鸡扒热辣辣, 鸡扒够松够滑, 皮脆肉香, 加埋黑椒汁又辣又香, 好正; 而炒饭亦炒得好干身, 有好爽口嘅感觉, 正呀; 反而冻柠茶就冇咩特别, 普普通通啦; 不过值得一提系柠檬好似唔多干净咁, 皆因柠檬面上嘅贴纸冇清除, 好似冇洗过咁, 亦令师傅忽然想起师公成日话出面饮柠檬茶系最笨, 最唔卫生㖞!
总括黎讲食物质素令人满意, 环境真系普通, 服务亦可, 而价钱就相当抵食, 一个咁样嘅铁板晚餐都系三十八, 加两兜冻饮, 埋单四草野, 仲想点? 有汤有炒饭有茶, 绝对抵食; 师傅相信有机会再黎, 皆因质素唔差, 平心而论呢个晚餐系师傅近期最满意嘅一个, 所以笑脸值得一比! 边吃边看住星爷嘅唐伯虎点秋香, 确实令食欲大增!
张贴
