宮葉 パフェ (已結業)

成日同朋友食完饭都会另觅食甜品糖水，宫叶Miyaha系日式店，集正餐甜品于一身，而佢地D甜品嘅卖相都唔算hea架～宫叶Miyaha位于太子，从太子地铁站行过去只需要1分钟，位置方便，带旺。而店子唔算大，不设订座。食物主菜选择主要有拉面丶日式饭类等。今次叫左和风猪软骨拉面同红酒牛肋条丼。拉面未至于高质素，但唔系难食，正正常常普普通通咁。至于红酒牛肋条丼几好，仲有只温泉蛋做配菜之一，个汁真系有少少酒味，不过上枱时只有少少微温，唔系几够热。甜品叫左香橙西柚乳酪芭菲，个雪糕几creamy。同埋估唔到D生果配料几好味，特别蜜瓜好甜!整体味道ok，虽然未至于好好味，但以依个价位黎讲，今晚两个人只系食左$151，又唔收加一，算系一个几好嘅选择。