泰潮 (已結業)

今日走到深水埗工作，经过福荣街就去食个靓海南鸡饭。对上一次食已经大约半年前啦，但入到餐厅依然坐无虚席。虽然今次系自己一个食饭，但一个人食饭亦有一个人的浪漫的。一坐低，谂都唔洗谂就叫一个海南鸡饭（无骨）！成个海南鸡饭（无骨）餐包括有前菜泰式青瓜沙律、清鸡汤、海南鸡饭。若果特别想改食鸡脾/鸡翼就要另加5蚊了。美味Remark1.泰式青瓜沙律相当惹味，而且亦有少少辣。呢个青瓜相当开胃，适合作餐前小食。2.海南鸡饭本应呢碟系海南鸡饭标明系无骨的，但我果碟好好彩地系有鸡脾的，所以成为了有骨的鸡饭。而且海南鸡的分量都算系多，加埋个鸡酱一齐食，味道真不错。3.清鸡汤汤的色泽看来都算清，但系一入口觉得好重味精味，饮一口已经觉得好口渴，所以最后无饮到。最后，呢间餐厅始终都系细间的店舖，相对都系食个快饭之选。走的时候，记住like佢地的facebook page就有9折啦。