K-Net Square (已搬遷) 新店位置

今晚放左工同个朋友系太子行左阵街，见大南街个边多左几间餐厅，就谂住行过去睇下有咩好食。见到有Café，有边炉，有酒吧，望左几望后我地决定去试下个间叫K Net square既酒吧。我记得我系旺角都有见过ga，不过一路都冇机会试，但今次见佢个set dinner又好似好吸引又唔太贵，咁就去试下啦。佢个set dinner$168有汤，有鹅肝多士，再加4选1既main course，同埋2小时任饮既红酒或者汽酒。个人黎讲$168有得2小时任饮，已经觉得好抵，仲要佢有野食。个汤唔够热，仲有唔系太饮得出系咩，鹅肝多士，佢个块鹅肝好厚，煎得又够香，如果个多士可以脆D就仲好啦。不过块鹅肝真系好正，回味呀!Main course 既选择有牛、鸡、鱼同埋意粉，我要左个香煎石斑柳配牛油忌廉汁，个鱼同个汁都好滑，下面仲有薯蓉，够晒饱肚。饮品方面我叫左Apple Cider，佢个卖相一流，而且仲有得re-fill真系不得了呀。呢间酒吧应该唔系开左好耐，所以人唔多。坐得好舒服。