爭鮮外帶壽司

营业中

休息中

呢间争先喺度不经不觉都成10年啦，由读书时代到而家出嚟做嘢都仲喺度，唔知佢仲可唔可以挨多下一个10年呢？呢间争鲜一直都好多人帮衬，男女老少都有，中午嘅时候最多就系学生，晚上嘅时候就系放工人士，因为价钱平同埋新鲜所以多人帮衬，正因为多人帮衬，出品嘅寿司好快，真系可以用货如轮转来形容啊，我最欣赏嘅就系可以买嘅数量唔多，按着自己嘅食量去买，因为有时口痕想食一两嚿而唔系为咗肚饿而食，加上而家疫情嘅缘故，呢啲预先已经包装好嘅食品其实买起上嚟比较安心，加上店舖嘅卫生情况都10分良好，所以呢间都系我经常会帮衬嘅舖头之一