紫宸

营业中

休息中

朋友之前推介左呢间紫宸比我，话又平又好食。今晚要自己食饭，于是收工就过黎食。未够6点就黎到，慢慢食慢慢坐😆睇落menu啲野又真系好多款同大部份都真系好平民价，至岩我呀！我order左沙茶羊肉配饭（$78)配台湾香肠（$36)。我就劲钟意食佢啲羊肉，薄切羊肉有成十多片，每片都充满香浓沙茶味，再捞埋啲炸蒜一齐食，真真真心巧巧食😚😚😚而个台湾肠都唔好睇少，食完你就知会好味到几唔够喉😆虽然其实仲好想啦其他小食试下但都系留返啲quota听晚再黎食😂😂差啲唔记得野食，我有嗌左杯柠檬薏米冬瓜茶养下身，最正嘅系只系$18, 出边街边档边只呢个价架，我仲要有得慢慢坐喺度叹，超正呀！