紫宸

营业中

休息中

這家店的炸鹽酥雞令人驚艷，外皮酥脆不油膩，雞肉鮮嫩多汁，鹹香味道恰到好處，讓人一口接一口停不下來。配菜的腌菜清爽開胃，酸鹹適中，成功平衡了炸物的油膩感。飯雖然不是用珍珠米，但米飯粒粒分明，吸收了少量滷肉汁後，香氣四溢，滷汁極入味，鹹香中帶點甘甜，讓整碗飯的層次感大大提升。值得一提的是這裡的蛋餅，絕非用印度凍餅假裝，而是真材實料的台式蛋餅，餅皮軟Q帶點嚼勁，蛋香濃郁，搭配各式配料都很出色。整體來說，這家店的每一道料理都展現了細膩用心，是值得再訪的小吃好選擇。紫宸 (葵涌)葵涌榮芳路9號恒景商場地下G12號舖

份量極少，滷肉飯全部肥豬膏豬皮！同事話好味，所以去幫襯，叫咗一份外賣滷肉飯，一打開，大失望，全部豬皮！！有隻蛋，少量鹹菜，都可以勉強食嘅！結果真係麻麻不會再幫襯！

今日嚟到呢一間葵芳少有嘅台灣嘢食餐廳，見佢裝修幾靚，個menu入而影d食物相都幾吸引！所以一入到去呢就見到佢餐牌嗰個升級套餐，就同朋友叫左一人一個升級版Lunch set（Upgrade Set Meal）！我叫咗個栗子香菇炆飯，我朋友叫左個九層塔蛤蜊湯米，食左第一啖就已經話偏咸，咁可能我諗佢d蛤蜊用鹽水浸過先咁咸啦，咁我就試左啖個湯底，d九層塔味都好夠嘅，但都掩唔過浸鹹味！講返我嗰個栗子香菇炆飯先，其實我又覺得唔係話特別難食，係啲栗子有少少硬，同埋個香菇都係偏鹹，可能我地口味都係偏淡，而呢間餐廳主力想就返香港人口味掛！然後升級加果個小食真係好一般，個地瓜粒細同炸得麻麻已經有人講過，我反而想講果碟雞翼真係得個樣，食得出佢翻叮過唔知幾多次嘅味道！🙂By the way最令我失望嘅係呢間台式餐廳竟然冇台式特飲，得嗰啲係出面買返嚟嘅豆漿、烏龍茶同埋蜂蜜綠茶！🥲

紅燒牛肉麵（$59）份量偏少。牛肉只有四小件，算軟腍，但味道普通。紅蘿蔔有五小舊。菜芯兩條。麵條滑身有𡁻口。湯底不錯，湯清味濃，帶少甜微酸，有花椒八角香味，好有層次。酥炸雞扒三星蔥拌麵（$48）正常份量。炸雞扒一件切開五件，外層十分鬆脆，雞扒肉軟嫩。拌麵頗香，麵條彈牙十分有口感，香蔥油加埋不少黑蒜粒，味道香濃惹味。轉套餐（+$15）飲品及小食，各有三款選一。豆漿，普通坊間貨味道。椒鹽椰子肉，有驚喜，好得意。先夾咗一件薄身嘅，第一啖咬落去，口感勁似食緊椒鹽鮮魷，但少咗魷魚嘅Q彈感。至於厚身嘅，咬落就有食到椰子肉嘅口感。牛肉芝士蛋餅（$45）一份切開五件。餅皮微脆，芝士拉絲，蛋味稍少，牛肉餡料醃味足，整體味道OK。

食物偏鹹，滷肉飯偏油膩多肥豬肉的那種，三杯雞味道比較濃郁，雞件都算多及大件，尚算抵食。但下次就不會再加錢買滷肉飯。地瓜球應該是炸了很久再拿出來的口感，外皮比較難咬。同行者食了牛肉麵及雞腿卷麵，也是偏鹹，湯底已經是加了一杯水還是很鹹。三文魚炒飯是用煙三文魚，炒飯普通。唯一推薦：椒鹽椰子肉，比較特別，但吃不出是椰子肉，素食者大推😂豆漿不能選擇走糖，減肥者要多留意。餐廳環境清幽，空間感很大，不用等位，上食物速度正常。

呢間餐廳係年青人開嘅，以為佢哋冇乜經驗， 點知出品係出乎意料之外。由於我哋兩個人去食，唔能夠試好多菜，只係叫咗一個$168嘅套餐,包咗兩碗肉燥飯,一碗招牌藥燉排骨，兩碟醃製酸菜。滷肉飯係用咗珍珠米，滷肉係好難做到又夠味又不過喊，呢度處理得好好。排骨湯係用足靚料，見到佢有大大支嘅黨參，唔怪啲湯味咁濃。總括來說，呢個餐嘅味道係重而不咸。雖然套餐不包括飲品。 但坦白講，一分前一分貨 ，呢個價錢食到呢個質素已經超值。見到樓面只係兩個年輕嘅女仔，雖然忙到氹氹轉，但係都充滿熱誠。大家一定要過嚟支持一下。

唔知食乜好系列之搵到好西食誤打誤撞行左入去又幾高質喎最愛炒新竹米粉炒得乾爽無痴埋一舊係好難水份控制好重要唔過濕又唔太乾呢度就做到仲有大量肉絲同配料 抵食淨係食火候都抵呀😂滷豬扒涼麵豬扒滷得夠味又腍身涼麵有咬口加上麻醬一絕本身麻醬控🤪加麻醬就一定好食🤣茄子面頭舖滿蒜蓉上菜已經聞到滿滿蒜香咬落茄子噴汁微辛好有驚喜百香果綠茶好啱清除蒜蓉嘅口氣🤭檸檬薏米冬瓜茶無坊間咁甜仲有檸檬嘅清香❤️—————————————————————🔸 滷豬扒麻醬涼麵 $48🔸 新竹炒米粉 $46🔸 蒜香茄子 $32🔸 百香果綠茶 $18🔸 檸檬薏米冬瓜茶 $1

唔知係香港人已經食慣咗唔同地方嘅菜式定係台灣菜式嘅口味都係符合香港人口味。經過台灣餐廳都忍唔住望多兩眼，本身已好喜歡台灣菜，呢間真係食過返尋味，試完又試。圖片中的炸雞又脆又飽滿，睇嚟呢個都係台灣小食吸引人嘅地方。呢間台灣餐廳很有格調，地方清潔乾淨，唔知道仲以為係咖啡廳。新竹炒米粉$46新竹米粉，原來係台灣嘅特產。口感相當唔錯，炒落去乾身有彈，配料俾得足夠。百香果綠茶$48欣賞佢唔係怪味糖水，有粒粒百香果，維他命C滿滿。綠茶味剛好平衡一下，滿咀淡淡茶香。椒鹽雞滷肉飯$18不可不叫的地道美食，鹽酥雞炸得脆身，雞肉都幾滑，整齊地擺放在滷肉飯上，份量都不少，完美地遮蓋白飯，好夠食。

本身唔係住係葵芳呢面，平時黎葵芳都係去新都會同葵廣多，今次就去左間比較多區內人先知既台式小店，裝修以木系做主題，環境都好闊坐得幾舒服，重點係價錢都好平，今次食完同朋友講下次再黎會再食櫻花蝦蛋炒飯$46炒飯炒至乾身粒粒分明，好有鑊氣，加左櫻花蝦更有口感，蛋汁融入炒飯都好香口，值得一試酥炸雞翅燒椒醬拌麵$48一個好食既拌麵醬汁都好重要，燒椒醬辣辣地好香口，雞翅大大隻外皮香脆，入面仲係好juicy 中東牛肉蛋餅$48蛋餅係台灣既名物，加入中東牛肉變左fusion菜，味道鹹鹹地好惹味，餅皮輕脆有特色

葵芳有好多好野食，最近見網上推介一間位於葵廣附近既台灣野，人冇咁多坐得都好舒服，今次同朋友試左幾款，味道都好好食新竹炒米粉$46炒米粉份量多夠鑊氣，調味剛剛好，加入配料炒至金黃色，味道惹味香口中東牛肉蛋餅$48 九層塔玉米芝士蛋餅$32今次叫左兩個蛋餅，見倒中東牛肉即刻諗起啲印度菜，食既時候會覺得鹹鹹香香好惹味，蛋餅口感煙韌，幾特別玉米芝士果款common啲，餐廳加入多款芝士，配上九層塔味道更香濃，自己鐘意呢款多啲 檸檬薏米冬瓜茶$18 冬瓜茶本身甜甜地，加入檸檬酸酸甜甜有助中和番個味道，加入薏米清涼解膩

經過呢一間小店，見到吸引嘅台灣餐牌，就同朋友入咗去試吓，小店地方寬敞，價錢親民，侍應都幾有禮貌，嘢食好正宗！覺得食完好似去咗台灣咁😂今次試咗幾款嘢食：🔹新竹炒米粉個份量好足料，有冬菇，蘿蔔，雞肉，每一啖都食到唔同嘅配料，好惹味👍🏻🔹酥炸雞扒三星蔥拌麵酥炸雞扒啲皮好脆，雞肉有啲肉汁，都幾好味，雖然唔係湯麵，但係一啲都唔乾😝🔹甜不辣口感紮實，吃起來很有嚼勁，會想繼續食😂🔹百香果綠茶叫咗杯我好鍾意飲嘅嘢飲，加埋檸檬，好好味

過咗兩點仲未食嘢，超級肚餓，於是就衝入咗呢間台灣餐廳，見到價錢都幾實惠，好多都$50度，賣相睇落都吸引，點知….重點係都難食🫣🫣雖然我超肚餓，但係我食唔晒😮‍💨😮‍💨叫左滷肉豬扒涼麵（$48）個豬扒肉質勁梅，係劣質肉嗰種口感😔😔超鹹，無滷肉嘅味道，仲要有一舊係全肥肉🥹🥹🥹涼面嘅調味都好普通，就係加左麻醬咁，自己屋企都整到既感覺價錢係平，但質素好一般，似主打學生頹飯下次幾肚餓都唔會幫襯🥲

週末朋友帶我去呢間位於葵芳的餐廳食lunch🤤 坐低已經覺得環境舒適適合同朋友聚餐 聊天嘅餐廳🤩餐牌上有各式各樣嘅台灣地道美食我哋叫咗一個主食同兩個小食share☺️主食揀左鹽酥雞滷肉飯一次過滿足你兩個台灣必食口味！😻鹽酥雞酥脆無比好入味 肉質嫩滑👍🏻滷肉份量好多 好送飯😋小食揀咗蒜香茄子同烤年糕蒜香茄子外脆內軟加上大量炸蒜好邪惡😍烤年糕可以當為一個甜點煙煙韌韌非常出色！🥳我另外叫咗一杯珍珠奶茶唔會太甜 好岩我口味！會再幫襯！😚

葵廣附近有個細商場最近開左間台式家庭料理，環境唔算好大不過坐得好舒服，走木系裝修啲食物賣相都好靚，今次試左幾款味道都好有驚喜！紅燒牛肉湯麵 紅燒湯底香濃，今次叫左不辣，牛肉份量多，口感軟諗，自己幾鐘意個麵質，推介!九層塔玉米芝士蛋餅問左先知原來九層塔係種食用香草，味道好香好有功用，玉米芝士份量好多，有少少拉絲，蛋餅味道好惹味，下次試下其他口味先！檸檬薏米冬瓜茶 飲品試左店員推介既冬瓜茶，清甜解膩，加左檸檬薏米酸酸甜甜好fresh，呢個絕對係減肥恩物，消水腫一流丫！

朋友之前推介左呢間紫宸比我，話又平又好食。今晚要自己食飯，於是收工就過黎食。未夠6點就黎到，慢慢食慢慢坐😆睇落menu啲野又真係好多款同大部份都真係好平民價，至岩我呀！我order左沙茶羊肉配飯（$78)配台灣香腸（$36)。我就勁鍾意食佢啲羊肉，薄切羊肉有成十多片，每片都充滿香濃沙茶味，再撈埋啲炸蒜一齊食，真真真心巧巧食😚😚😚而個台灣腸都唔好睇少，食完你就知會好味到幾唔夠喉😆雖然其實仲好想啦其他小食試下但都係留返啲quota聽晚再黎食😂😂差啲唔記得野食，我有嗌左杯檸檬薏米冬瓜茶養下身，最正嘅係只係$18, 出邊街邊檔邊只呢個價架，我仲要有得慢慢坐喺度嘆，超正呀！