影片
更多
2020-01-10
58 浏览
今日终于黎荃湾朝圣所以顺便系附近揾野食。行过荃新天地俾虾面店个大型广告牌吸引，心谂都未试过系香港食马来西亚嘅野，所以就决定同男朋友一齐去试下望左餐牌好内，发觉都系二人套餐抵食啲，又可以试多啲唔同嘅嘢。套餐可以拣两个面食、包指定嘅鸡翼都串烧外仲可以拣多两款小食、两个甜品同两杯野饮。我拣咗咖喱叻沙汤底配虾肉肉片配米粉🍜咖喱味好香，带少少🤏🏻辣。配埋开边虾同肉片非常丰富。😋男朋友拣咗福建卤汤底配虾肉肉骨配油面。我试咗啖汤底，汤底较稠杰。我觉得福建卤汤嘅虾味比较重，好似好味过我果个咁😆虽然套餐标示系细碗面，但份量都好足。然后到个串烧同埋鸡翼。依家样嘢我都想俾个好评佢。因为鸡脾肉串肉质嫩滑，而个鸡翼外表嘅焦香、香茅味好惹味。虽然跟配左个花生粒沙嗲酱，但系我觉得唔使点酱都好好食。😋再嚟就系腐乳通菜。原来个腐乳带有少少辣，如果唔钟意食辣嘅朋友就记得唔好点喇。跟住就系呢个白胡椒肉骨茶。感觉好似食胡椒猪肚汤咁，食完个胃暖粒粒，冬天食真系一流。而且佢好香白胡椒味，又唔会好似胡椒猪肚汤咁有阵猪肚味，更加易入口。最后嚟到甜品啦。因为我同男朋友都系榴梿嘅爱好者🧡所以我哋都不约而同咁拣咗榴梿加央多士。呢个加央多士
行过荃新天地俾虾面店个大型广告牌吸引，心谂都未试过系香港食马来西亚嘅野，所以就决定同男朋友一齐去试下
望左餐牌好内，发觉都系二人套餐抵食啲，又可以试多啲唔同嘅嘢。
套餐可以拣两个面食、包指定嘅鸡翼都串烧外仲可以拣多两款小食、两个甜品同两杯野饮。
我拣咗咖喱叻沙汤底配虾肉肉片配米粉🍜
咖喱味好香，带少少🤏🏻辣。配埋开边虾同肉片非常丰富。😋
男朋友拣咗福建卤汤底配虾肉肉骨配油面。
我试咗啖汤底，汤底较稠杰。我觉得福建卤汤嘅虾味比较重，好似好味过我果个咁😆
虽然套餐标示系细碗面，但份量都好足。
然后到个串烧同埋鸡翼。
依家样嘢我都想俾个好评佢。因为鸡脾肉串肉质嫩滑，而个鸡翼外表嘅焦香、香茅味好惹味。虽然跟配左个花生粒沙嗲酱，但系我觉得唔使点酱都好好食。😋
再嚟就系腐乳通菜。原来个腐乳带有少少辣，如果唔钟意食辣嘅朋友就记得唔好点喇。
跟住就系呢个白胡椒肉骨茶。
感觉好似食胡椒猪肚汤咁，食完个胃暖粒粒，冬天食真系一流。
而且佢好香白胡椒味，又唔会好似胡椒猪肚汤咁有阵猪肚味，更加易入口。
最后嚟到甜品啦。
因为我同男朋友都系榴梿嘅爱好者🧡
所以我哋都不约而同咁拣咗榴梿加央多士。
呢个加央多士真系不得了，外脆内软，多士表面更搽满榴梿酱。
一个字正呀。🙈
争啲唔记得咗仲有两杯柠檬薏米水。
清清地，带少少微甜，又可以去湿，系健康之选。
张贴
