西門町台灣麵食 (已結業)

上次食完真系回味无穷，今日约左朋友系旺角，决定再嚟试下。二人套餐有多款小食，另外仲有个细既饭/面选择，都真系几丰富。北投怪味鸡怪味鸡味道一啲都唔怪，酱汁酸酸地又唔会好辣，夏天食冷盘再配上呢个特调酱汁，都几开胃。腐皮蚵卷最钟意呢款小食！腐皮咬落脆脆地已经相当惊喜，每件腐皮卷都有几件蚵仔同其他配料，爆哂馅咁，好正！凉拌茄子酱汁微酸都几开胃，而且每件茄子既中间都界左一刀，让酱汁可以流到入去，食既时候味道就均匀。肉臊饭肉燥质地挺身，味道亦几扎实，配饭真系一流。担担面芝麻酱味道真系好浓郁！面条相当挂汁，如果想稀啲，可以叫店员加少少汤。擂沙汤丸软绵之余仲系暖笠笠，真系好好食。巧克力雪香好耐无饮雪香喇！朱古力味道好突出，配埋壳物，口感更丰富。麦香奶茶奶味比较重，都几唔错。