616牛肉火鍋專門店 (馬鞍山中心)

营业中

休息中

🇭🇰Hong KongAverage price po: HKD$350-400+📍Address: 616牛肉火锅专门店, Ma On Shan上次同朋友食616，已经系佢哋移民去加拿大之前，今次再食突然有少少挂住呢班友仔👯‍♀️，不过616牛肉一向高质，提供牛嘅唔同刁钻部位，有来自唔同产地嘅牛肉，例如加拿大、澳洲、英国以及苏格兰等等。今次试咗佢哋嘅二人套餐，非常抵食。分别有牛骨清汤底、不同牛肉拼盘(横膈肌、五花趾、牛驼峰、匙柄）、熟成加拿大牛脊背、蔬菜篮（娃娃菜、金菇、蜂巢豆腐、芋丝）、炸鱼皮同埋稻庭乌冬、公仔面、饮品。饮品我哋就拣咗菊花桂圆露、乌梅汁，清爽解腻。牛肉非常高质，讲一讲唔同部位先。横膈肌系每个牛最罕有嘅部位，每一只只系得两块，牛味最浓郁！五花趾系牛后腿肌腱最中心部位，筋部比例较多，肉质比较爽口弹牙。牛驼峰系牛后端颈背，油脂分布比较平均，入口嘅牛味都几香。匙柄嘅肉质比较软腍，属于牛下肩胛肉。个人特别喜欢熟成加拿大牛脊背，呈现大理石油脂花纹，通过21天熟成处理，牛肉质感柔靭适中，牛味比一般更加香浓。