麵屋一平安 (已結業)

由于早前book个间餐厅冇回覆，我到当日才记起，所以系附近揾左间日本菜食晚餐，原来二人晚餐套餐好抵食，每你一碗拉面，仲有两款小食同饮品，价钱吸引。明太子煎蛋，好靓好大件，仲有满满明太子，微辣既明太子带点咸鲜味，配嫩滑煎蛋，味道口感满分。原只汁烧鱿鱼筒，同样大份，原只鱿鱼都几厚肉，汁烧唔会干身，仲几入味，口感弹牙。特制酱油猪骨拉面，汤底有猪骨味，浓而不腻，有两大块厚豚肉，肥肉部位入口即溶，超而恶但好好食，菠菜鲜嫩无渣，糖心蛋入味有蛋黄香。用幼面但都挂到汁，面质爽弹好夹汤底。朋友的特制熊本蒜油猪骨拉面，蒜油味好香，猪骨汤底同样美味，配料同面都一样，只系汤底唔同左。冻柠茶会分开糖浆另上，自己调教合适甜度，几贴心既安排。