南小館 (已結業)

工作关系又到九龙湾揾食，今次试下南小馆，食过朗豪坊分店既我都几有信心。午市做紧优惠2人餐，拣左HK$208果款，其实都几多嘢食，几抵！前菜可以拣4款，都有7、8款可以拣，份量又唔会太多，但又足够品尝。醉鸡今次唔好彩食到鸡胸，自己唔钟意啲肉质，但味系OK；木耳个汁酸酸地我个人觉得怪怪，不过同事食到WASABI味，好特别咁；糖醋骨同面筋正正常常OK呀！　小笼包一向新鲜热辣，又唔蒸得过火，睇黎每间分店都做到㖞！主食个排骨菜饭几唔错，排骨唔会太多炸粉，肉质又唔会鞋，咁既价钱绝对OK！