霞小飛 (已結業)

星期五的晚上，咁岩又要去睇演唱会，如果去尖东果边一定好多餐厅都好多人，要等位，所以同朋友就系尖沙咀呢边食完饭，再搭返一个站去红磡睇演唱会!这间餐厅位于K11港铁站果层，所以食完饭好方便咁就可以行去搭车!餐厅有提供晚市套餐，二人套餐$328，有小食两款、汤水每人一份、主食一份、小菜一份，仲有甜品同埋两碗白饭，两个人食到好饱呢!鸡丝粉皮、水晶陈醋肴肉，份量比散叫的少，但够两个人食!鸡丝粉皮配有青瓜和麻酱，味道惹味!平常肴肉是需要自行再点陈醋食，但系呢度蛋陈醋也变埋肴肉的一部分，几方便，又唔怕大量用到陈醋!杏汁炖白肺，这个杏汁味唔会好浓，岩哂唔太中意杏汁味浓的朋友。汤清甜，白肺亦洗得干净冇臭味!虫草花螺头炖鸡，呢个好鲜甜，鲜甜到好快就俾我饮哂，冇咩味精，而且材料十足!酸菜桂鱼片，份量都几多，鱼片已经去骨，汤内有酸菜也有辣椒，所以是带有少少辣!汤底鲜甜带有酸味，是一款好送饭的菜式。除了有鱼，还有薯粉和木耳，薯粉份量都几多，烟烟韧韧!火腿津白，小菜就点了一份清清地的，火腿都几咸，不过津白的味道刚刚好!酒酿小丸子，这款甜品唔太甜，而且也没有太热，方便食用。汤水内有桂花，所以食落有淡淡的桂花香味!小