廚十三老壇酸菜魚 (太子集團中心) (已結業)

好耐無食過酸菜魚，所以上個禮拜約左朋友去尖沙咀的廚十三老壇酸菜魚度食。餐廳座位寛敞舒適，我地被安排係近窗的位置，可以望到開揚的景色。我地點左個二人酸菜魚套餐，加配左午餐肉，套餐包左飯/粉仲有兩杯野飲。酸菜魚份量十足，鱸魚片啲魚既骨都去得好乾淨，食落幼滑無骨啖啖肉，味道鮮甜，辣度大約小辣左右，酸酸辣辣好開胃。我地另外叫左個松花皮蛋同麻辣牛展。松花皮蛋擺盤唔錯，蛋白瑩剔透光澤，蛋黃紮實綿密無腥味。麻辣牛展香辣開胃，勁道十足，非常入味。