Cafe de Tiffany (已結業)

我地今日黎咗粉岭一间经典西式餐厅食饭，由于系平日既关系，唔洗点等位就入到黎喇。呢间餐厅既职员都十分好态度，餐厅里是一个工业风的设计，感觉几chill，最啱用黎系社交平台打卡用。而且里面卫生几好，职员又会fill番d水，唔似饮人口水尾，感觉唔错。我地见佢既二人餐相当抵食，平日食一个铁板都200+既价钱，于是乎我地就嗌咗佢既二人餐里面既美式酱汁猪肋骨，同埋肉眼扒配薯条，另外加咗个烟三文鱼沙律，饮品就嗌咗热柠水同埋热咖啡。主菜除了味道很好外，份量也十分足够。肉眼扒配以烧汁把牛肉的味道逼了出来，不会抢去肉的质感。而猪肋骨配以美国酱汁，与平日食开既猪肋骨有点不同，味道更强裂，有饱满既感觉。我地最后埋单around $300内，系一间唔错既隐世西餐，将来有机会一定会再去。