麵屋豚豚拍子 x 辛味屋 (已結業)

今日去到宝琳探朋友，去咗佢屋企楼下新都城给一间拉面店食晚餐。朋友都成日嚟食，因为呢间拉面店都几抵食，餐厅够大座位多，坐得舒服，倾偈一流。我哋叫咗个二人餐，只系$229 ，就有齐两碗拉面同三个小食，真系非常之抵，食得极饱。赤豚拉面：猪骨汤底、叉烧、笋等配料，汤底辣辣地好惹味，拉面嘅面质唔会太林，几有咬口。海老拉面：猪骨汤底、叉烧、虾、樱花虾、笋等配料，试到猪骨汤底清甜嘅味道，叉烧都几林，虾都唔错，如果樱花虾再多啲就更好啦！自选嘅小食款式好多，我哋拣咗嘅三款小食分别系鸡翼两串及鸡软骨两串、炒鱿鱼须同埋牛油炒草菇，鸡翼系盐烧，皮好趣，都算大只，好味道。鸡软骨大大粒，烧得好香。炒鱿鱼须份量唔少，好弹牙，炒得几好食。牛油炒草菇都好香，食咗咁多肉系要食啲蔬菜平衡下。