Plato Cafe & Bistro (吳松街)

之前食过呢间餐厅嘅lunch ，味道唔错，知道佢晚餐嘅二人套餐几抵食，今日就嚟咗试吓，叫咗个$498精选二人餐，有餐汤，前菜，两个主食，饮品，仲有甜品，以市区黎讲，呢个价钱系几抵食👍🏻👍🏻餐汤无记错职员介绍今日既餐汤系椰菜花忌廉汤，系几香忌廉味，可能有椰菜花嘅关系，饮得出有蔬菜嘅甜味，但冇平时忌廉汤咁滑口冰果茶茶味有，唔会好浓好涩，饮落有少少桃香，甜度系平时叫少甜既水平，杯底仲有几粒水果肉天妇罗鱿鱼须鱿鱼酥系新鲜炸，上枱𠮶阵仲热辣辣好香脆，炸衣唔算厚，亦揸得干身，加上个有少少Wasabi味嘅沙律酱，食唔停口北海道带子黑松露野菌意大利粉带子两面有煎香，生熟程度掌握得几好，而意粉嘅硬度亦适中，意粉酱汁系忌廉黑松露口味，酱汁浓稠度啱啱好可以挂到意粉，所以每啖意粉都充满忌廉黑松露嘅味道炭烧澳洲肉眼牛扒牛扒我叫咗五成熟，牛扒上枱切开都好对板，牛扒有肉既纹理，又香牛肉味同有肉汁，碟边嘅配菜亦有质素，焗薯外表焗到干身，中间湿润，好香薯仔味甜品甜品我哋要咗一件蛋糕同朱古力雪糕，蛋糕系芝士蛋糕，都几香芝士味，同平时饼舖食到嘅芝士蛋糕差唔多，而朱古力雪糕就系Movenpick