Plato (已搬遷) 新店位置

小编甚少踏足油麻地 ，但为寻觅好西在所不计！ 今日特登搭车嚟油麻地就系为咗亲尝 Plato嘅美食。门面没有华丽的装横， 却完美地融入油麻地的小街， 颇有格调。简单几个摆设已为环境增添不少趣味。见menu有咁多选择， 我同朋友都系决定叫返个二人套餐， 成功避开选择困难症。很喜欢南瓜的香甜， 餐汤分量合适， 留返个胃食主菜！见到个样已经流晒口水， 呢个意大利饭嘅蘑菇同忌廉香味十分突出， 厚厚地包住每一粒烟韧的意大利米饭~~ 加埋浓浓的黑松露香气， 令人欲罢不能， 呢个组合真系食极唔厌。羊架叫咗七成熟， 肉质嫩滑， 冇乜羊膻味， 点埋甜甜地嘅rosemary sauce， 味道丰富。芝士味浓啲会好啲， 不过入口质感软熟， 都几满意。仔细睇原来一件简单嘅朱古力慕丝蛋糕都可以有咁多层layers~ 一层忌廉， 一层有淡淡咖啡味， 几有心思。走𠮶阵八点几餐厅都有唔少客人， 似乎系打工仔下班之后嘅聚脚处。