影片
更多
2008-12-13
75 浏览
今晚同屋企人食潮州菜，嚟到九龙城呢间门面几旧嘅顺记潮州饭店，装修好街坊，不过我哋入到去已经差唔多全场爆满，好在仲有张五人枱比我哋，是晚就试过： 功夫茶：淡淡茶香，食饭前饮最夹！ 餐前小食：花生香脆；生咸菜够甜够爽即刻清碟！ 胡椒猪肚汤：猪肚煲得好稔好入味，汤呈奶白色，带有浓浓嘅胡椒味，都几辣，不过饮完成身暖晒！ 蒸糯米酿大肠：唔想食炸嘅所以叫咗蒸嘅，大肠入面酿满晒糯米，几好味，不过个酱唔多夹，有啲抢味！ 炸蟹枣拼粿肉：原本叫虾枣拼蟹枣，不过虾枣卖晒佢就介绍我哋食炸粿肉，系用猪网油包住材料再炸嘅潮州炸物。两样嘢都好香口，蟹枣味道几鲜，而粿肉就有啲惊喜，好好味㖞！ 潮州炒鱼面：够镬气，同埋一齐炒嘅有肉丝，冬菇丝同埋甘荀丝！鱼面够弹牙好好味，可以大碟啲就好嘞！ 香煎萝白烙：萝卜切成丝加蛋浆再煎，仍食到味道清甜嘅萝卜，煎得薄而金黄香脆带微焦，外脆内软，胜在唔油腻！ 红烧猪脚根：猪脚根发得好好，又炆得好稔，食落好弹好爽好入味，汁酱味道浓而合拍，真系好得！一路食，啲侍应都会好细心解释各种菜式嘅材料同制法又介绍埋同上嘅酱料；菜式唔贵但系就做得好有心机。虽然楼面唔够人做到踢晒脚，但遇上有人客要求影团体
今晚同屋企人食潮州菜，嚟到九龙城呢间门面几旧嘅顺记潮州饭店，装修好街坊，不过我哋入到去已经差唔多全场爆满，好在仲有张五人枱比我哋，是晚就试过：
功夫茶：淡淡茶香，食饭前饮最夹！
餐前小食：花生香脆；生咸菜够甜够爽即刻清碟！
胡椒猪肚汤：猪肚煲得好稔好入味，汤呈奶白色，带有浓浓嘅胡椒味，都几辣，不过饮完成身暖晒！
蒸糯米酿大肠：唔想食炸嘅所以叫咗蒸嘅，大肠入面酿满晒糯米，几好味，不过个酱唔多夹，有啲抢味！
炸蟹枣拼粿肉：原本叫虾枣拼蟹枣，不过虾枣卖晒佢就介绍我哋食炸粿肉，系用猪网油包住材料再炸嘅潮州炸物。两样嘢都好香口，蟹枣味道几鲜，而粿肉就有啲惊喜，好好味㖞！
潮州炒鱼面：够镬气，同埋一齐炒嘅有肉丝，冬菇丝同埋甘荀丝！鱼面够弹牙好好味，可以大碟啲就好嘞！
香煎萝白烙：萝卜切成丝加蛋浆再煎，仍食到味道清甜嘅萝卜，煎得薄而金黄香脆带微焦，外脆内软，胜在唔油腻！
红烧猪脚根：猪脚根发得好好，又炆得好稔，食落好弹好爽好入味，汁酱味道浓而合拍，真系好得！
一路食，啲侍应都会好细心解释各种菜式嘅材料同制法又介绍埋同上嘅酱料；菜式唔贵但系就做得好有心机。虽然楼面唔够人做到踢晒脚，但遇上有人客要求影团体相都唔会托手踭，仲会笑容十足，够晒人情味，净系呢样都值得再次去帮衬！
张贴
