校長燒肉日韓料理 (大埔廣場)

营业中

休息中

有冇试过平时又想食烧肉？又想放题同又想打边炉。呢间校长烧肉可以一次过满足晒三个愿望，价钱仲要非常之抵食，平均每人只是238加一，任食2小时。大埔分店呢间座位非常阔落一入到去见到琳琅满目嘅食物选择，好似自助餐咁样随时可以出去夹嘢食，连烧肉打边炉材料都系以自助形式，干净又卫生，十分方便。刺身方面有三文鱼，吞拿鱼、带子、赤虾、希灵鱼等，款式都唔少，刺身肥美新鲜。而烧肉方面，好多唔同嘅鸡扒、一口牛、猪扒。饮品方面仲有多款冷热饮品，又有清酒同梅酒啤酒任饮。最特别之处佢系有个花茶corner，好得意系可以俾你自制花茶DIY唔同口味。估唔到呢度都会有中式点心俾你拎，都几有惊喜质素都唔错又有小笼包烧卖虾饺等，简直系平价酒店自助餐。食完唔好记唔记得再拎埋甜品，非常满足。