力天冰室

营业中

休息中

今晚想食啲中式小菜，行过见到呢间冰室啲价钱好似几抵食，就一于入去试下。凤梨咕噜肉 $80份量都几多，炸到个皮好脆口，配上酸酸甜甜嘅酱，再加上好多菠萝，好夹好食。鱼汤海鲜粉丝杂菜煲 $86估唔到好足料，好多海鲜，有虾、带子、青口、鱿鱼，仲有三款菜，西兰花，菜心，白菜，呢个真系好抵食。跟餐包左一碗白饭同一碗汤，估唔到佢的中汤几足料。餐饮我哋加左每杯$12要特饮怀旧红豆冰，几多红豆，红豆又淋又入味。青柠菠萝宾治，酸酸甜甜几开胃。香脆奶油猪 $32烘得够脆身，加埋炼奶同牛油，呢啲配搭一定冇得输。