金河小廚

营业中

休息中

放大假，继续周围同屋企人去饮茶， book mark咗呢间好耐。平时只会饮下午茶，但系呢间嘅话茶市最晏都系去到三点，所以今日12:30已经出嚟食嘢。呢度啲食物比较偏淡，但系啲炸物比较出色。个南乳猪手比较出色，够味亦都好淋滑。韭菜饺同埋鲜竹腐皮卷嘅话个皮都做得好好，可惜尖椒同尖椒同韭菜饺里面啲鲮鱼肉冇鱼肉味，腐皮卷嘅话啲馅亦都比较少。猪什粥都几足料，但系就材料偏细，可能太大块，煮嘅时候惊会太老身。所以切得比较细，咁我唯有比一个咁合理嘅解释比佢。虾饺同埋娥姐粉果啲虾肉都几弹牙，同埋有原只虾粒，呢方面系几好嘅。食点心就顺便试埋佢啲小菜啦，叫咗个黑椒牛仔骨，$58来讲份量系好足料嘅，但系啲牛肉拿得太犀利呢度嘅话系唯一失败嘅地方。个肉丝炒面嚟讲，个底系几好，唔见有油，食落亦都唔会腻口。椰汁糕都几出色几香，唔会拮落去就散。但系个胡椒猪肚汤鲜竹卷就差少少，有呀嘛神粹但系佢啲胡椒肯定冇拍过先滚，因为完全唔出味。点心价格唔算贵，咁如果唔系食开浓味嘅嘢，呢度都系一个唔错嘅选择，因为都坐得舒服又宽敞。