好媽媽台灣館 (已結業)

中午经过都有几个人排队，就决定试试。入到去觉得环境几雅致，枱面上仲贴左一啲令人窝心嘅句子，有妈妈feel。面线大大碗，蚵仔几鲜味，大肠卤得好入味，好好食，令人失望系成碗面线偏向咸，最后食剩下大半碗。由于个大肠几好食，我地决定叫多一碟大肠小食加一杯台式饮品，只系加多22蚊。必食推介，菜脯蛋pizza，岩岩上碟好热，香味四溢，表面好似炸过，食落少少脆同有蛋香味。另外我地叫左个套餐，卤肉饭跟鸡翼同半只卤水蛋，卤水蛋同鸡翼味道系正常，唔算突出，卤肉饭我反而觉得唔够咸又唔够汁，之前系台湾食嘅卤肉饭会咸啲同多汁啲，旁边有少少酸萝卜青瓜解下腻。饮品方面，一杯珍珠奶茶，一杯芋香奶茶，两杯都觉得太甜，可能因为台式饮品都系偏甜，个人觉得少甜会好啲。价钱就OK，食左咁多嘢系154，所以中午都几多学生帮衬。