影片
更多
2018-04-09
213 浏览
旺角揾食有时都几头痛，乜都有代表要花更多时间谂食啲咩，本来想食拉面但行过广华街见到只蟹喺头顶，午市套餐食松叶蟹咁有趣，又真系唔怕改改选择嘅。见到上面只蟹就谂起日本间蟹道乐，不过蟹道乐个个都话唔抵食，唔知呢间又会系点呢？就因为呢块板搞到我停系度，蟹全部都系蟹嘅午餐，一旧水都唔使有蟹㖞。本来想食拉面嘅，不过呢类舖头嘅汤底无咩可能比得上正式嘅拉面店，不如食个蟹膏饭啦。午市嘅套餐唔贵，但晚市嘅级数就高级好多，当然价钱都贵咗好多，虽然啲食物系好吸引，但穷鬼如我就唔太舍得食喇。舖头里头嘅空间就相当细，只能够坐八个人仲要系互望果种，而且全店只有一个员工，楼面收银厨师都系佢，想做死人咩，再加上偏离旺区，真系唔知开午市赚唔赚得返成本。里头装潢走简约风令人舒服，细地方真系无谓搞太多破坏空间感。一幅大字同一个摆设，睇落又好似大户人家嘅气派。暖水壶入面装嘅系玄米茶，温度够热之余又唔会淡茂茂，够晒暖胃。先嚟一碗味噌汤，睇外表似乎无咩特别，一饮，的确系无咩特别，因为一啖就知其实唔系蟹汤。除非佢成煲汤只有一只手掌咁大嘅蟹，否则有蟹水的话个汤系一定有种无法掩饰嘅海水鲜味，呢度只不过系将煮好嘅味噌汤再加返松叶蟹肉丝落去
就因为呢块板搞到我停系度，蟹全部都系蟹嘅午餐，一旧水都唔使有蟹㖞。本来想食拉面嘅，不过呢类舖头嘅汤底无咩可能比得上正式嘅拉面店，不如食个蟹膏饭啦。
午市嘅套餐唔贵，但晚市嘅级数就高级好多，当然价钱都贵咗好多，虽然啲食物系好吸引，但穷鬼如我就唔太舍得食喇。
舖头里头嘅空间就相当细，只能够坐八个人仲要系互望果种，而且全店只有一个员工，楼面收银厨师都系佢，想做死人咩，再加上偏离旺区，真系唔知开午市赚唔赚得返成本。
里头装潢走简约风令人舒服，细地方真系无谓搞太多破坏空间感。一幅大字同一个摆设，睇落又好似大户人家嘅气派。
暖水壶入面装嘅系玄米茶，温度够热之余又唔会淡茂茂，够晒暖胃。
先嚟一碗味噌汤，睇外表似乎无咩特别，一饮，的确系无咩特别，因为一啖就知其实唔系蟹汤。除非佢成煲汤只有一只手掌咁大嘅蟹，否则有蟹水的话个汤系一定有种无法掩饰嘅海水鲜味，呢度只不过系将煮好嘅味噌汤再加返松叶蟹肉丝落去，真系一饮就知呃我唔到。
蟹肉味噌汤
4 浏览
1 赞好
0 留言
不过佢松叶蟹肉都几多，味噌汤唔会太咸，加埋筷子托系蟹形又几得意，过到骨啦。
蟹肉味噌汤
5 浏览
0 赞好
0 留言
饮完碗不过不失嘅味噌汤后梗系要食主菜，松叶蟹膏饭。虽则个卖相就唔系咁好，不过个蟹膏有几大旧就有目共睹，而且蟹肉都唔惹少，呢个价钱佢都出手几阔绰。
蟹膏就确系几清甜，份量亦唔少，蟹肉就嫌佢比较干身无咩水份，无咗味噌汤帮佢补水就搞成咁，唔系即拆始终系差咁啲，情愿佢浸一阵暖水，虽然会走咁啲味但食落软熟啲赢返。白饭反而比预期理想，佢有将饭素同白饭预先捞匀，而唔系就咁洒喺最顶就算，所以即使落得唔多饭素，每啖都会食得到。同埋啲饭粒嘅咬口唔会过绵而有黏性，估唔到最出色嘅竟然系个饭。
松叶蟹蟹肉蟹羔丼饭
$78
6 浏览
1 赞好
0 留言
虽然成餐饭唔系特别好食又无咩惊喜，但以呢个价钱可以食松叶蟹其实都唔可以要求太多，而佢又符合我嘅预期，合格啦。
张贴
