La Kaffa (已結業)

呢间小店有全日套餐款式够多，亦有意粉、汉堡包等等。叫咗个全日早餐：有鸡扒、炒滑蛋、茄汁豆、沙律及全麦多士，包餐汤及饮品$56。全日早餐其实有好多款式。我拣呢款鸡扒几大块，煎得个面几香，鸡肉都几滑。佢个炒滑蛋炒得唔错，真系够滑。另外仲有营养丰富嘅茄汁豆同沙律，多士系麦多士，所以几健康。餐汤系忌廉汤；饮品拣咗冻奶茶。另外，叫咗吉列炸虾咖喱饭，都系包餐汤及饮品$58。吉列炸虾新鲜炸起，几香脆。咖喱汁辣辣地、系日式风味。饭嘅份量都好多，质素算唔错。饮品叫咗热奶茶，佢呢度嘅奶茶味道系台式奶茶味，所以我几钟意饮。