齊記美食 (已結業)

齐记开左系元朗啦，梗系要黎潮圣一下，地点近朗屏西铁站，天桥一落就到好方便。下午三点几黎到，唔多𩠌拣，都正常嘅，啱啱过完lunch time，晚餐又未到无理由咁快出定下一轮嘅𩠌㗎嘛。两𩠌饭$36送饮品，真系好平。本身想叫好出名嘅水蛋，但无晒，菜又卖晒，最后拣左咖哩鸡配煎肉饼，饮品就拣左OOHA。卖相都唔错吖，仲超多饭，哈哈。咖哩鸡好入味，咖哩香口，捞饭一流。肉饼厚身，加左马碲好爽口，肉味鲜，唔怪得咁多人叫净𩠌都拣呢样啦。两样𩠌都好好食，下次试下其他先𩠌，听讲咕噜肉同黑醋骨都好正？但下午茶钟数唔知有冇呢。