舊果香林豆腐花

营业中

休息中

☘️上个礼拜入大埔，响街市食完出名嘅鸿发牛腩之后，本来想去阿婆豆腐花食佢嘅招牌豆腐花，点知去到竟然卖晒，只净几樽豆浆😂。朋友心念必须要食个甜品，唯有即刻上OpenRice 搜索吓，见到呢间唔系好远嘅豆腐花舖仔，就一于嚟碰吓运气，因为心知豆腐花呢样嘢多数一早卖，卖晒就收档！☘️去到竟然见到条小人龙，三几个人咁唔系好多，即刻埋去叫咗个红豆沙豆腐花，朋友拣姜汁豆腐花，个豆腐花真系好滑，都有豆味，我个红白味道刚好唔会太甜，价钱仲好抵，两碗加埋至二十蚊，不过冇坐位要企喺度食，当系重温细个时嘅回忆😜 我哋响度食睇住一直有人嚟买豆浆豆花外卖，生意都好好，估计街坊都好熟品质有保证👍。 ☘️下次一于早啲去试阿婆豆腐花，比较吓先😜