薩莉亞意式餐廳 (大元街市) (已結業)

今日去开大中拎快递，就顺便去食埋夜晚饭，星期日周围都好贵，但萨莉亚就无因此而加价，仲要免加一。肚饿就早点去拎位，可能时间比较早6点半左右，无乜人，等左一阵就入得。两个人叫左五款𩠌，每样都细细份平平地，埋单都系人均60左右，相当抵食。叫左个鸡肉粗管面，白汁同芝士都好邪恶，面条硬硬地几有咬口。老妈爱吃鱿鱼，30蚊内就有只大大只既鱿鱼，仲要铁板上，有蒜汁，好香口，又够热！当然唔少得肉酱多利亚，再狂洒芝士粉，极邪恶，每一啖都拉到丝！鸡翼都好嫩滑，辣度适中，好开胃。三文鱼沙律，烟三文鱼本来就香口，配上沙律酱沙律菜同辣粉，几fresh，好开胃