火五越式牛肉粉專門店 (華生樓) (已結業)

今日收工同老婆去左太子食越南野，啲野食平得黎又够份量，味道仲唔错！枱上摆放左唔同既调味料。椰汁冰，有椰子肉既椰子水，清清甜甜几好饮！香茅猪颈肉，够味唔洗点酱，唔韧够哂爽口。黄金脆鱼皮，即炸鱼皮加上咸蛋酱，少少咸脆卜卜。炸软壳蟹米纸卷，炸软壳蟹本身比较油，但夹喺米纸卷一啲唔油腻，点埋甜酸汁更好味。黑醋汁蒜蓉牛油鸡翼，外皮炸到好香口，再加上蒜蓉调味同黑醋既少少酸味，几特别！法式咖哩牛肋油香饭，好大碗既咖哩饭，法式咖哩唔喺成日食，牛肋肉又好腍，唔错。火车头牛肉河粉，汤底好甜好香，河粉够爽口。