影片
更多
2018-06-19
177 浏览
心瘾起想食鲜果雪葩，我会来女人街的水蜜桃。皆因佢有多款日本雪葩选择，跟餐只系加三十几蚊，真心抵食。平时去舖仔买，价钱好似真系差不多。今天落雨湿湿唔多人，有卡位坐，正㖞！一排冇来，见到有新野石板烧牛套餐，同朋友二话不说一人叫一个先。我哋叫咗美国黑毛牛肩胛 $188 同埋熊本一口牛$168。 每个餐都会配两只日本广岛蚝，呢个配搭好似唔错。石烧套餐仲有餐汤同埋餐包，忌廉汤同罗宋汤都在水准之上，如果可以再热D就好啦，蒜蓉包满满牛油蒜蓉，有诚意。 转眼石烧就已经上枱，热辣辣石锅上已有什菇同蔬菜，滋滋作响。店员哥哥会细心地教我地点烧最靓，点食最正，服务满分。首先烧牛要用中间位，因为火力够晒集中，好快就熟有得食。一口牛好有牛味又够淋，配特制酱油或者点盐食都得，好有口感。其他餐厅试过一口牛，韧到不得了。叫完之后都有少少怕，但系食咗一粒便知道担心是多余的。而黑毛牛肩胛系片片的，因为锅够热，要注意好快熟的。烧的时候挂住倾计有一两片 overcook, 失手了，唉呀 ～跟餐有小食，系邪恶的咸蛋鱼皮.....店员哥哥话可以就咁当小食，或者用牛肉来卷住食都得，两种食法都要试试呀！而烧蚝呢最好就系用锅边位，两边轻
今天落雨湿湿唔多人，有卡位坐，正㖞！
一排冇来，见到有新野石板烧牛套餐，同朋友二话不说一人叫一个先。我哋叫咗美国黑毛牛肩胛 $188 同埋熊本一口牛$168。 每个餐都会配两只日本广岛蚝，呢个配搭好似唔错。
石烧套餐仲有餐汤同埋餐包，忌廉汤同罗宋汤都在水准之上，如果可以再热D就好啦，蒜蓉包满满牛油蒜蓉，有诚意。
转眼石烧就已经上枱，热辣辣石锅上已有什菇同蔬菜，滋滋作响。店员哥哥会细心地教我地点烧最靓，点食最正，服务满分。
首先烧牛要用中间位，因为火力够晒集中，好快就熟有得食。一口牛好有牛味又够淋，配特制酱油或者点盐食都得，好有口感。其他餐厅试过一口牛，韧到不得了。叫完之后都有少少怕，但系食咗一粒便知道担心是多余的。
而黑毛牛肩胛系片片的，因为锅够热，要注意好快熟的。烧的时候挂住倾计有一两片 overcook, 失手了，唉呀 ～
跟餐有小食，系邪恶的咸蛋鱼皮.....
店员哥哥话可以就咁当小食，或者用牛肉来卷住食都得，两种食法都要试试呀！
而烧蚝呢最好就系用锅边位，两边轻轻烧一烧，锁住水分以免流走，然后再加熟蒜同埋酱油上去慢慢烧，好鲜味。
呢期 promote 紧德国啤，叫左支 Tap 5 同朋友分享，味道几特别，有浓厚的果味同就花香味，够冻配烧肉真系一流。饮饮吓发现有啲料到，原来酒精有成8% ，啤酒来讲算高，唔太饮得的朋友请注意，可以选其他低D度数的。
跟餐仲有白饭，个餐望落唔算多，但食食吓真系好饱。不过甜品永远有另外一个胃，雪葩是必须的。
今次我地拣左水蜜桃味同蕃薯味。食之前要先用火枪暖吓佢，去梗D雪味，咁果香同果甜先会出架。
终于食得啦！水蜜桃好清甜，完全系将D果肉浓缩响雪葩入面。而蕃薯就够晒香浓，出奇好味，蕃薯迷必试！
埋单每人都系二百几，好抵食，推介！
张贴
