龍泉冰室 (已結業)

🥢紅燒牛肉麵 $68選用半筋半肉嘅牛腱，煮得入味又易咬。湯底味道濃郁，帶有少許辣味同埋蕃茄嘅酸味。比起平時食開嘅紅燒牛肉麵，呢種湯底鹹度比較低。加入唐芹同芫茜，湯頭變得香氣十足。🥢冬菇小窩米線 $49湯底可以揀清湯/酸辣/麻辣。清湯味道好清淡，相信係雞粉湯🧐。用上大隻厚身嘅花菇，口感比鮮冬菇爽口。🥢軟殼蟹菠蘿包 $45菠蘿包面層乾身香脆，牛油香比想像中重。夾層除咗軟殼蟹外仲有番茄、生菜、蛋沙律、沙律醬、酸青瓜粒。整體層次豐富而且味道頗清新。