七月餐室 (已結業)

一向都好钟意食呢间冰室，下昼嚟有特色嘅西多士，夜晚又有好味嘅小菜，真系食极都唔厌。🥢马拉盏炒鲜鱿韭菜花 $70即叫即炒，热辣辣有镬气，不过上菜好快，够晒效率。鱿鱼又爽弹又鲜甜，份量好多。韭菜花好甜，加埋惹味又唔太咸嘅马拉盏，送饭一流。仲送例汤同埋白饭，男仔都一定饱。例汤好足料，感觉上系冇味精，饮完唔会口渴。🥢奶茶红豆冰 +$9我钟意佢哋嘅茶底够晒浓郁，啲冰融晒都唔会淡。红豆煮得够蓉，味道好香甜。呢度嘅奶茶红豆冰比起其他地方好饮。