醒辰冰室 (東匯坊)

营业中

休息中

今日喺鲗鱼涌整完少少嘢之后就喺附近揾嘢食，见到呢个商场落去之后都有好多宝藏美食店，见到呢间西式嘅餐厅几抵食，于是就谂住试吓。店舖唔大，但系环境几好，有种Cafe感觉。《北寄贝菠菜蘑菇白酒汁意粉》$75套餐首先送来意大利菜汤，唔会好酸又多料。仲有蒜蓉包，好香好脆。而意粉整体都唔错，面条好挂汁，唔会太过酱口，岩岩好，同埋配料都好多，抵食！《焗法国春鸡》$108好大只！皮烧得好脆，仲有好多伴菜，配埋烧汁好好味！餐汤我哋加咗$15转龙虾汤，几重虾味，唔错。《芝士焗菠萝猪扒饭》$68超吸引，满满嘅芝士仲要焗完更加香，不过佢嘅饭底就唔系炒饭底，不过都有好多蛋碎，食起黎都香，猪扒厚又大件，唔会干身，好味。最后就系甜品心太软，焗得啱啱好，好浓朱古力味，呢餐真系抵食。