雪山冰廳

营业中

休息中

早排已经帮衬过雪山冰厅一次，个阵觉得啲食物都唔错。咁岩星期六同朋友去深水埗买野，未食早餐嘅我行到5点几，个肚真系饿到喊。为求方便快捷，决定再战冰厅，一口气叫咗好多食物。-槟城叻沙海南鸡米线汤底充满叻沙香气，入口虽然唔会太辣，怕辣人士都食得。我一向钟意米线配汤一啖咁食，呢款食落真系好足味。海南鸡质感较扎实，但咬落唔会鞋口，鸡皮嫩滑程度都好抵赞。-爆馅葱花蛋牛治(烘底)识食蛋牛治一定要叫烘底，入口外脆内软。炒蛋夹杂葱花同粒粒碎牛，鸡蛋都几厚身，稍嫌葱香盖过其他食材味道。-避风塘生炸脾虽然好热气，但真系好吸引。避风塘碎碎闻落有啲似妈咪面调味粉香，配上炸脾几夹。外皮炸得有少少老，但整体都香脆可口。-榛子酱西多士上次帮衬已经见到有人叫，似乎几受欢迎。倒埋糖浆真系好邪恶，夹心有浓浓榛子酱，味道几特别。-港式茶走红豆冰原来茶走红豆冰都几好味，红豆中和奶茶嘅涩味，比传统红豆冰更胜一筹。-樽仔奶茶朋友叫咗招牌樽仔奶茶，细细枝几可爱。入口茶味香浓，质感幼滑。-怀旧黑牛黑牛可谓系茶记经典，朱古力曲奇雪糕加上可乐，入口多一份奶香，口感都creamy少少，颇有趣。