自家製韓國刀削麵 (山林道)

营业中

休息中

前排尖沙嘴开咗间自家制刀削面店，系人气韩国炸鸡品牌嘅副线，开业冇耐已深受大家欢迎。店内装潢行简约风，莫名有种家嘅感觉，十分温馨。午餐时段更有套餐，性价比甚高。私心推介牛骨汤刀削面，汤底采用牛肉同牛骨熬至而成，啖啖牛肉香气，饮落暖胃，要加汤呀！牛肉软嫩，刀削面Q弹，烟烟韧韧，令人一试难忘。上面仲有紫菜、鸡蛋丝等，睇得又食得。另外有豆汁冷面，以冷豆浆汤底代替汤汁，第一次见，有豆同芝麻香，唔算好浓，配上青瓜丝、黑芝麻等配料，感觉清爽，开胃，夏天食比较适合。小食有海鲜韭菜煎饼，四大片，薄薄一层，香而不腻，下次要叫埋大大粒嘅饺子。