銘興山西刀削麵 (大同新邨) (已搬遷) 新店位置

有个朋友住大角咀，成日都同我推荐呢边嘅食店，有好多隐世嘅美食，今日咁啱过开呢边揾佢，所以揾揾附近有咩好嘢食。经过呢间食刀削面既好似唔错，本身食刀削面嘅地方就唔多，所以都好想试吓。嗌野食之前已经比座位旁边嘅腌酸萝卜吸引咗，因为我好钟意食！仲要不限量俾你任食，好正！用嚟开胃一流。《凉拌青瓜》$20麻辣度刚刚好，食起嚟又够爽口，好好味，咁嘅价钱份量都算多，抵食！《花雕醉鸡》$46肉质好滑，酒味唔算好浓，对我来讲啱啱好，因为本人接受唔到太重酒味的醉鸡。 整体来讲都唔错。《麻辣猪软骨》$40份量好多，调味料好惹味，猪软骨唔会太咸，不过略嫌肉质有点鞋，比较dry，整体一般。《榨菜肉丝加牛筋腩刀削面》$47同样大大碗，无论面定系𩠌份量都好多，刀削面都几滑，唔错！而牛筋腩都炆得好够林，呢个价钱，性价比真系算高。 总括黎讲，呢间都算系平民食店，分量多价钱又平，值得下次再嚟。