影片
更多
2018-08-10
3487 浏览
$300可以食倒Marriot既自助餐, 抵食到你唔信! 有朋友系机场做野, 话附近酒店食自助午餐好食又抵食, 极力推介Marriot. 因为有朋友结婚系果度摆酒, 试过佢既中餐都觉得唔错, 又心郁郁想系暑假食餐自助餐 (庆祝放假?), 加埋hsbc卡有全单9折, 就叫埋一埋亲朋戚友黎试! 老实讲我感觉有点矛盾的, 因为marriot一向都以质素见称, 但价钱咁平, 都有少许担心会一分钱一分货, 而且午餐自助餐一般选择较少, 可能到头来唔岩食, 咁就唔抵了.去到餐厅门口, 见倒有个小丑同小朋友玩, 仲好有心机咁扭波波 (佢竟然可以扭倒几像真既机关枪). 餐厅里面, 小朋友虽然多, 走黎走去, 但系全部都好自律好有礼貌! 餐厅环境好光猛, 地方都几大, 枱同枱之间不是太近, 可能因为大部分地方都放枱, 放食物既地方有点细, 拎海鲜要排队拎, 但食客都好斯文好礼让, 值得一赞! 食物方面, 沙律吧既生菜都算齐全, 罗马生菜, 火箭菜, 羽衣甘蓝…都有, 食落口够冻又爽口, 感觉系新鲜生菜. 意料之外旁边有个芝士位, 有cheddar, gouda同埋emmental, 要自己切果种, 格黎
去到餐厅门口, 见倒有个小丑同小朋友玩, 仲好有心机咁扭波波 (佢竟然可以扭倒几像真既机关枪). 餐厅里面, 小朋友虽然多, 走黎走去, 但系全部都好自律好有礼貌! 餐厅环境好光猛, 地方都几大, 枱同枱之间不是太近, 可能因为大部分地方都放枱, 放食物既地方有点细, 拎海鲜要排队拎, 但食客都好斯文好礼让, 值得一赞! 食物方面, 沙律吧既生菜都算齐全, 罗马生菜, 火箭菜, 羽衣甘蓝…都有, 食落口够冻又爽口, 感觉系新鲜生菜. 意料之外旁边有个芝士位, 有cheddar, gouda同埋emmental, 要自己切果种, 格黎提供埋cracker饼比你夹埋芝士食,有诚意! 鱼生选择唔多, 一般三文鱼, 吞拿鱼, 八爪鱼…都有, 带子, 海胆…贵价食材就冇喇! 鱼生味道几好, 同出面酒店自助餐食既冇分别, 好味! 冷盘唔小得既烟三文鱼都够新鲜, 咸味同油脂都好够.海鲜位有青口, 蟹脚, 海虾, 需要排队, 蟹脚有惊喜, 拆肉出黎好易(新鲜), 而且只脚都几粗, 绝唔系平价细蟹! 青口完全冇味, 唔好食.热盘方面, 因为本身唔太中意食中菜, 只系食左少少. 但我见佢中菜位后面既开放式厨房, 真系师傅即煮完后放入前面既盘里面 (当时我见倒炒饭), 我觉得喜欢中菜既一定会喜欢食新鲜热辣辣既食物, 好有诚意. 我当日试左咕噜肉, 几好味, 炸得皮薄又脆, 肉本身冇隔夜味, 咕噜汁甜酸适中, 正! 烧卖好食过好多中菜厅, 鲜嫩多汁, 好好味!! 另外食左个炒豆角, 里面好juicy, 咬落去仲唔小心吱倒对面既朋友, 哈哈…!
我本身好中意食甜品(西式), 芝士蛋糕, 朱古力brownie, 忌廉筒, 棉花脆脆米通, 葡挞, 心太软…食晒所有之后, 我觉得葡挞同埋朱古力brownie最好味, 葡挞有牛油同蛋香, 而且挞皮又薄又松软, borwnie甜味同朱古力味都好足, 而且质地软滑又实净, 有d似食紧软心朱古力, 正! 另外芒果糯米饭同豆腐花都好味, 豆腐花滑到好似食紧炖奶咁! 心太软本身都满心期待的, 质地几好, 可是太甜了, 可可味冇乜! 另外雪糕是haagen dazs, 只有3款, 朱古力, vanilla 同cookie & cream, 味道同出面食既一样, 冇乜特别.
总结黎讲, 呢个用餐经验好好, 呢个价钱食今酒店质素既食物实在太抵食了, 而且选择又多, 我一定会再黎食!!
97 浏览
0 赞好
0 留言
78 浏览
0 赞好
0 留言
73 浏览
0 赞好
0 留言
葡挞 & 朱古力BROWNIE
73 浏览
0 赞好
0 留言
烧卖
66 浏览
0 赞好
0 留言
张贴
