禮記自助蒸氣鍋 (已結業)

是晚星期五系九龙湾睇完戏后，即兴想食火锅，男友带我由MCL行左十分钟左右，黎到工厂区嘅礼记自助蒸气锅。睇招牌「礼记」原来日间做工厂食堂，夜间做打边炉同蒸气锅。上几级楼梯见门口一堆人等紧，以为要排好耐，不过原来人地系等入座，唔够十分钟我地就有得坐。入内见店面都好大，摆左十几张圆枱，自助bar款式都好多，亦尚算卫生，牛、猪、鱼、菜、菇类、丸类、饮品等，火锅应有嘅食物算齐全，仲可以自己调较酱汁。我地系卡位坐下来，侍应就端上两碟海鲜，份量按人数分配，一碟有4只虾同8粒蚬，另一碟就半条鱼，呢个份量对我地黎讲好足够，唔够可以加钱叫，枱上垫纸好贴心，列出所有食物要蒸嘅时间，唔怕蒸得唔够熟，随后系自助bar扫食物，食得好满足，加上食火锅必不可缺嘅肥牛系几好食，以百零蚊黎讲，系好抵食，绝对推介!!!至于食物新唔新鲜，我认为系咁，平时打边炉食物如果唔够新鲜，仲可以由汤底打救，但蒸气锅就纯粹蒸出食物嘅味道，唔新鲜一食就食得出，而我地食左两小时，都一致觉得食物系够新鲜，起码无异味，又系个句，以百零蚊黎讲，系好抵食，绝对推介!!!