金滿軒 (已結業)

早两日同老婆食lunch，揾下揾下，见到呢间，门口有张poster，午市套餐 $26，有无咁旬呀？好耐无食过上海客饭，几十元试下无防！五个选择，选左两个最常食的回锅肉及糖醋鱼柳。回锅肉：虽然唔可以话非常好，但以午市套餐加上呢个价钱，算几抵食，半肥瘦猪肉份量足，唔会好似有d铺将货就价，肉就得两三片，仲系全瘦肉。糖醋鱼柳：都系果句，以午市套餐加上呢个价钱，都可以话无野好弹，虽然明知唔系即叫即做，但味道卖相都几好。仲有个汤，一般餐汤我都唔会饮，但佢地个汤又几ok，睇得出系有诚意之作。一饭一汤一送，环境ok ，招呼ok， 价钱 $26+$3茶钱，共$29埋单，值得推！