金滿軒 (已結業)

近來少踏足屯門市廣場，上個月當我又再想到這裡晚膳的時候，發現佢已經唔存在，不知是結業或是搬遷！真的很可惜，這間是我最喜愛的上海菜館，除了味道好，價錢又唔貴！現在我只能在此懷念一下，記下那熟悉的味道！希望佢快d開返啦！

屯門市廣場有很多食肆，但價錢也相對貴一點，也許就是吃鋪租太貴的緣故了. 但一橋之隔的華都花園，就有一間價廉物美的上海菜館，那裡的擔擔麵麻醬味重，麵彈亦有咬口，令人回味，故此，間唔中也想翻兜一下呢! 下午茶餐選擇眾多，只是$29-$33，另收$3茶芥，一至五免收加一，價錢合理.這次我選了麵餐，跟餐還配上點心，很是豐富. 梅菜炆肉擔擔麵這樣的組合也真奇怪，但就愈是想試，甜甜的梅菜、再加炆肉的肥脂味道豐腴，原來與麻醬擔擔麵也頗夾的，而且湯底內仍有很多花生碎，連麵同吃超美味. 生煎鍋貼即煎的鍋貼外皮香脆，內裡肉汁豐盈，一次吃3隻才滿足呢!這餐價錢只是$34，但美味又飽肚，值得一來再來.

一行2人走去食個Lunch, 叫左2個午市套餐,其中一個套餐5分鐘就到, 另外一個等到友人個餐食完都未到, 我就查詢其中一個侍應追追我個餐啦, 點知佢唔彩我行開左, 甘我當佢聽唔到啦, 到佢行番過來的時候, 我再問佢我個餐有未呀, 佢答我"入左單啦"，我話"甘你頭先唔答我點知呀", 佢話"你話冇答你咪冇答你囉", 佢態度非常不友善, 我話"你可以用d甘既態度同客人講野架咩", 佢答:你都可以甘講野啦, 點解我唔可以甘講呀"，佢仲要係大大聲甘講, 佢仲講左句"你有咩事咪搵經理囉", 我話"甘你叫你經理過來啦" , 他說"我唔會叫架喎", 我平時都幫襯開呢間野, 真係第一次食到甘谷氣，今次之後以後都唔會再幫襯@@

今次一行 4 人 去左華都 “ 上海金滿軒菜館 “ ,諗住食 d清淡野 , 點知又叫左 d 炒野 !去到都成 8 點 , 真係好肚餓 ,即時 order 左個 “ 生煎飽 “ 先 ,掛住食都唔記得左影相添 ,可能太肚餓關係 , 覺得生煎飽好好食 ,夠熱又唔太熱氣 , 真係好味 !南翔小籠飽 ~ 小籠飽咬落好 juicy , 一定要親熱食 , 餃皮唔太厚 , 一啖就食晒 , 唔錯 .醬茶鴨 ~ Order左半隻 , 有 4 個曼頭伴碟同 2 個醬油 , 鴨皮上有醬汁整過 , 食落好脆 , 不過肉身就比較乾左 d , 而曼頭熱辣辣 , 好鬆軟 , 點上醬油食仲正丫 .酸辣湯 ~ 落足餡料 , 每湯匙都有好多料 , 酸酸辣辣味道唔錯 , 3 個人仲分到 2 碗,仲要冇落味精添 , 因為醬茶鴨比較乾 , 所以用左個湯伴鴨食 , 浸一浸鴨肉就冇咁乾 , 而且味道又唔錯喎 .回鍋肉炒年糕 ~ 味道一般 , 菜同年糕比較多過回鍋肉好多 , 好彩就唔太油 , 如果再辣小小 , 相信味道會更加好 , 年糕炒得好軟身唔太硬 , 而回鍋肉就一般 , 不過不失 .到差唔多食晒既時候 , 都 9 點幾 ,男友至

星期六同媽媽去左市中心,本來想飲茶,但係果間酒樓執左,就去左對面呢間上海嘢啦,冇嚟一段時間,已經貴左,我地兩個人點左一個客飯套餐,韮黃銀芽肉絲,另外叫左一個咸肉湯年糕.唔係等左好耐就嚟,例湯係老黃瓜湯,都幾甜及多料的,個韮黃銀芽肉絲唔係好大碟,好多油,麻麻地呀.油多過茶既感覺,湯年糕賣相都麻麻地,年糕味道OK,有些好肥既咸肉,菜,媽媽話菜多過年糕呀.茶錢都要6蚊一位呀,好貴唔抵食呀.

提早慶祝母親節；難得母親大人說想要吃上海菜，更難得她竟說跟朋友曾到此吃午飯覺得不錯，於是大夥兒早為母親訂了位子。訂桌八時，為免人多而誤時，我們更早一點到步。七時多到步，門外的花瓶太太已不怎禮貌相對：「七點嗰啲都未入得，你八點梗係無得入啦！」好，自小已學過猶不及，我們早到了是錯，那就等……一等再等下，八時入席？笑話！我們八時半才得進內；也就是說，這店的訂檯服務形同虛設！毫不順利還是進內點菜。先是辣皮蛋。看樣子還不錯啊！吃一口也令人愛不惜口！皮蛋蛋芯黏而不膩，外層滑而彈牙，值得一試！至於白饅頭也不過不失，做功不細緻，加上煉奶還不俗。然後上海炒年糕。看樣子真的不怎吸引，沒想到味道更令人卻步！或許是為了年糕炒來不黏身，所以加入鹼水，但落手太重，每片年糕都帶有強烈的鹼水味，吃得不怎愉悅。至於伴菜呢，還不過不失。根據母親大人所說，上次點這菜很不錯的，那是我們不幸了？上海菜當然少不了小籠包。嘩！沒想到上菜一刻也只是這樣子，實在令人失望。雖說不是每家上海店都能做出色的小籠包，但起碼不至於這賣相吧？咬一口，湯汁都幾乎蒸乾了；外皮還不算太厚，肉質一般。有機會試的話，可以不點這菜。鎮江肥肉值得推介！嚐了半晚

搬了進元朗，唯一不慣係附近無大型商場，如果近近地又要行下商場就要去到屯門了。坐西鐵15MINS 就到，不過屯門市廣場好大，又由好多細商場連接一起，好似好混亂咁，亂行之下發現呢間金滿軒外張貼的下午茶好平，決定一試!!下午茶湯麵餐只是$30 就可自選一碗麵+點心 ，另加$3 茶位，免收加一。以現在茶餐廳食碗餐蛋麵都成廿幾三十蚊，呢度真係超平!我叫了: 酸辣湯雲吞+鍋貼酸辣湯雲吞: 份量之多，令到我非常驚訝，一個下午茶餐居然給予成大湯碗既酸辣湯及4隻雲吞，而且內裡料好足，有蝦、荀絲、肉絲、木耳及豆腐等，雖然唔夠辣，但味道都算OK，唯一決點係唔夠熱，只係比暖再好少少，如果係滾熱辣就會好味得多~至於鍋貼，茶餐都有3只，算好抵食呀，而且鍋貼夠熱辣，內裡亦有肉汁，味道唔錯!友人則選了雲吞擔擔麵+生煎包她說擔擔麵份量非常之多，而且麻醬味都足夠，都幾好食，生煎包亦有肉汁，都OK的!!雖然這間店環境一般，但以這個價錢有這個質數，都可以回頭再去呀!

兩個人晚飯去了金滿軒飲茶, 不用等位香片：茶錢$5/位炸饅頭 ($25) - 炸起時趁熱食用，外層金黃酥脆不膩，內裡軟熟，炸饅頭與煉奶是最佳組合！紅油抄手 ($38) - 普通貨色，只吃到很重蒜味，但唔香，雲吞沒有錎料的。。。只有厚厚的雲吞皮！上海抄年糕 ($48) - 每次食上海野都必食抄年糕, 都OK啦, 沒有太特別, 都幾大碟, 吃完之後再加幾啖茶已經向胃度脹晒, 食唔到其他野lu~~香蕉高力豆沙 ($38) - 唔多覺有豆沙錎, 少得可憐, 不過整體上都幾鬆軟可口, 如果上面的是糖霜而不是沙糖, 冇咁甜會好d~~

尋晚第一次去,入到去見到d碗碟又崩又油, 已經嚇一跳打算自己用熱水洗下, 但洗完d油仲係在杯碟上起水珠(即係仲係勁油)同行朋友懷了小朋友不足三個月, 怕食完肚瀉就走啦但我已叫了一杯豆漿, 盛為12 大元當我通知待應話唔食喇, 要埋單, 因為太污糟.....當堂d人變面一個經理眼望望, 跟住拿一張單埋黎話24大元我呆咗......一杯豆漿24蚊?跟住佢好大聲話: 茶錢10蚊 (我只叫了一壺水, 未飲過, 淨係幫佢洗碗), 豆漿12蚊, 加一兩蚊!!!!身為經理, 唔關心個客做乜走, 唔檢討自己廚房係咪污糟, 反而"兇"個客......咩世界.....勁反感

金滿軒的午市以平價為號召, 客飯$26起連, 加埋茶錢及加一不用$40元 食物味道以這樣的價錢算OK. 所以不少人光顧. 可能由於價錢較平, 服務水平也很差. 首先, 不少樓面以至經理都對客人愛理不理, 其次是上菜奇慢. 如果你點的菜剛好不是廚房辰煮的, 等半小時也未到. 結果是2個人一起去食, 點了2個不同的客飯, 一個食完另一個仲未到, 即使多次催促都無效. 所以大半年都沒再光顧. 昨天與家人再去, 發覺一點都沒改善, 怪不得不用等位.我們點了回鍋獅子頭客飯、糖糟魚塊客飯、上海粗炒、炸曼頭及酸辣湯.回鍋獅子頭客飯很快到, 但獅子頭的味道及質感做得不合格. 接著來酸辣湯、炸曼頭及上海粗炒. 酸辣湯足料, 但稍為過酸; 炸曼頭及格; 上海粗炒很失敗, 因裡面的椰菜竟然 "宿"的, 跟一位女經理說及要求擔擔麵 (因不想再吃粗麵了), 她雖沒拒絕, 但一面臭臉.糖糟魚塊等了很久仍未到, 跟多名員工反映都沒用. 前後半小時才到. 吃完糖糟魚塊那碗擔擔麵還沒有蹤影, 我們也懶得追, 把單子取消.我想我以後也不會再光顧了.

突然間好想食大閘蟹，行勻成個屯門市中心得稻香有得食，不過起碼等2個鐘...唔知點解連美心都無大閘蟹食，所以見呢間出面有張蟹粉小籠包poster咁就入左黎喇...2個人叫左3個餸都ok啦，叫做過吓蟹癮估唔到咁早就有豆苗，蟹粉配豆苗真係一流仲要咁大碟，好抵食﹗酸都盲公都開眼呀... 唔好食呢間嘢一般啦，普通食個晚飯都叫ok嘅...

星期一放假,媽媽話想來這裏食飯,因為其它的酒樓中午時段比較貴,又要等好耐位,我地12點幾嚟到,唔使等位,兩個人叫左兩個套餐,都好抵食的呀,一個係特價28元,一個係32元,套餐有一碗飯,一個小菜,一碗湯.今日特價小菜有滑蛋蝦仁,所以叫左呢個,其它的唔係好啱食,於是就叫左一個唔係特價的小菜,不過其實都係32元,都好抵,叫左一個魚香雞丁,嘢食好快就嚟.滑蛋蝦仁賣相都幾吸引,味道ok,有好多隻蝦的,蝦雖然唔係好爽口,但係都好味的.滑蛋唔算好滑身,但係都好香及份量算很多的呀.咁既價錢已是十分值,白飯都好大碗,湯係眉豆湯,味道ok,唔會好咸及重味粉,又係一大碗架.另外的小菜魚香雞丁則比較多油,配料都足,有西芹,紅辣,洋蔥,雞肉好多,蔥,味道其實都好味的,不過真的太多油,所以都唔會太想食咁多.我們還叫左一份煎韮菜鍋貼,一份四件都幾大件的,唔算好熱,不過都好足料的,煎到金黃色好香,入面都有湯汁流出嚟,如果再熱一點仲正.這裏的特價套餐好抵食,所以1點食飯時間坐無虛席的呀!!

早兩日同老婆食lunch，搵下搵下，見到呢間，門口有張poster，午市套餐 $26，有無咁旬呀？好耐無食過上海客飯，幾十元試下無防！五個選擇，選左兩個最常食的回鍋肉及糖醋魚柳。回鍋肉：雖然唔可以話非常好，但以午市套餐加上呢個價錢，算幾抵食，半肥瘦豬肉份量足，唔會好似有d鋪將貨就價，肉就得兩三片，仲係全瘦肉。糖醋魚柳：都係果句，以午市套餐加上呢個價錢，都可以話無野好彈，雖然明知唔係即叫即做，但味道賣相都幾好。仲有個湯，一般餐湯我都唔會飲，但佢地個湯又幾ok，睇得出係有誠意之作。一飯一湯一送，環境ok ，招呼ok， 價錢 $26+$3茶錢，共$29埋單，值得推！

當人在市中心而剛好要食午餐或下午茶的話,想也不用想,一定去金滿軒.無辦法啦,平靚正之外,又有得'飲茶'呢.用瘋狂程度來計算的話,應該可將金滿軒立入為'飯堂'銀芽炒三絲:芽菜,韭菜和冬菇絲,都是我的最愛,所以我選擇了它!加上少少肉絲,材料堆到滿滿的一大碟快炒後菜類保持水份兼爽口,用料做法簡簡單單的不過送飯確一流,可惜用油量極重手,碟底餘下那層可以翻用幾回的油量,看到也有點不安.豉汁炒鱔糊:豉汁香濃但並不咸,剛剛好.鱔條份量都算多,口感較淋欠其彈性.配料的洋蔥,青椒和紅辣椒相當多,狂吃洋蔥和青椒,因為多汁又爽甜.敗筆點在於太多油了....白飯,例湯:白飯較硬,而例水不知是什麼料煲成味道清清淡淡,除了係不夠熱,其實我都幾鐘意飲呢隻味煎窩貼:口痕痕就以正價點來食.四大件,皮厚厚,因為夠熱辣辣所以容易咬得入,豬肉餡鬆化不過少了點肉汁.底部煎得夠金黃,亦帶香脆口感.油豆卜菜肉絲燴麵:下午茶份量,所以每樣料都不多.今次碗燴麵的湯汁多了,似食湯麵多一點.味道清淡依舊無變.菜肉香包:三個小蒸包,只有微暖溫度.麵包皮香軟,豬肉餡因熱力不夠攪到好結實而且好乾身.上海酸辣湯粉絲:上次對面位食客吃酸辣湯麵,還請

放假同媽媽又食新嘢,今次食上海嘢,記得有一間上海菜館,於是就嚟試下啦,嘩,d套餐都好抵食喎,$26元1飯1餸1湯,我地兩個人叫左兩份套餐,跟住叫左小籠飽又叫埋窩貼,超多嘢.咸肉豆腐好大碗熱辣辣,有好多配料,白菜,豆腐,磨菇,咸肉,跟湯上,豆腐好滑身,成肉切都一條條絲咁,好味呀,仲要份量好多架例湯係眉豆雞腳湯,湯都好大碗的,都好甜好足料,白飯亦是一大碗的呀.津白獅子頭這個都算大碗,只係26元,兩個獅子頭,不過就一般啦,好硬身唔夠淋,好多津白及粉絲都好味的小籠飽1籠5隻,好熱好味呀,好薄身,入面好多湯及肉較少,好味菜肉窩貼這個有四隻的,熱辣辣煎到剛剛金黃,都好味呀.這裏食飯時間都幾full,上菜都好快,份量都好大份架,茶錢午市只需3元,都好抵呀,埋單仲要唔使加一添