翔壽司

营业中

休息中

尖沙咀厚福街超多美食餐厅系人都知，假日多人到要排队食饭就难所避免。我地两点几经过呢间翔寿司竟然唔洗排队，于是望左几望MENU好似唔贵又几吸引，然后马上入左去。小店唔大只有BAR枱，一眼望唒，多人嘅话真系会好快爆客。入到去店员有帮我地量体温及提供湿纸巾，注重卫生，唔错望住眼前ge 刺身口水都就黎流出来啦。所有刺身都用保鲜纸包住，保持新鲜。望落每一样都好新鲜肥美我点咗一碗三文鱼子丼，我觉得$58 来讲份量算多。三文鱼食落新鲜肥美，脂肪分布平均，三文鱼籽冇太大腥味，粒粒晶莹剔透，一咬爆汁，送饭一流，好正女朋友点咗一碗角切鱼生丼，鱼生分别有三文鱼，吞拿鱼，油甘鱼。份量都多，一粒粒切得好厚。鱼生鲜甜美味，小三文鱼籽布满饭上，望落超吸引。另外仲点咗一个芥末八爪鱼手卷。店员好好提我食咗手卷先，因为紫菜易淋。芥末八爪鱼爽口弹牙，芥辣味浓郁，但唔会过份呛鼻。手卷饭量适中，因为系午市套餐，两个丼饭都跟面豉汤加沙律。面豉汤好饮沙律就普普通通冇咩特别。