湊湊‧甄選 (AIRSIDE)

营业中

休息中

之前去过凑凑食晚市火锅念念不忘，今次见到凑凑做紧个午市台式半自助套餐，好抵食，决定去凑凑食个午餐解下火锅瘾！午餐set由$78-$98，包左一个套餐，我点左个经典红颜花胶鸡小火锅（配乌冬），除左个小火锅，仲有个前菜、同埋个卤豆腐、鸭血。套餐已经好丰富，但唔好唔记得一定要出去夹前菜食，有好弹牙爽口的麻辣鱼皮、仲有麻辣鲍鱼菇片，好好食。如果怕唔够饱，就可以出去舀卤肉饭食，任添唔嬲，而且好高质，个肉燥唔会太肥太油，个味又做得刚刚好，送饭一流。最后一定要出去拎水果，有西瓜、哈蜜瓜，好清甜呀，做饭后甜品啱哂。我朋友叫左个系宝岛慢煮蕃茄牛肉小火锅，见到好多件牛肉，都唔错。